ກະຕິກາ

ການປະກວດ “ໃຫ້ຂອງທີ່ລະນຶກເລົ່າເລື່ອງ”

 

 

 

I. ຂໍ້ກໍານົດທົ່ວໄປ

1. ຈຸດປະສົງ, ຄວາມໝາຍ

        ການປະກວດ​ແມ່ນ​ກິດຈະກໍາໜຶ່ງທີ່ເປັນ​ໃຈ​ກາງ​ ແລະ ​ແທດຈິງ​ໃນ​ລາຍ​ການ​ສື່​ມວນຊົນ​ພິ​ເສດ “60 ປີ​ແຫ່ງ​ການ​ພົວ​ພັນ​ຫວຽດ​ນາມ - ລາວ: ຮ່ວມສາຍພູຫຼວງ” ເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (5 ກັນຍາ 1962 5 ກັນຍາ 2022) ແລະ  45 ປີ​ແຫ່ງ​ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື​ຫວຽດນາມ - ລາວ (18 ກໍລະກົດ 1977 - 18 ກໍລະກົດ 2022) ໂດຍວາລະສານຍຸກສະໄໝ ​ສົມທົບ​ກັບ ​ສະຖານເອກອັກຄະລັດຖະທູດ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ປະຈຳ ຫວຽດນາມ ​​ຈັດ​ຕັ້ງ​.

ຫວນຄືນ​ຄວາມຊົງຈໍາອັນດີງາມ, ​ ນໍ້າໃຈຕິດພັນທີ່ສະໜິດແໜ້ນ, ຄວາມຈົງຮັກ ພັກດີ ລະຫວ່າງອ້າຍນ້ອງ ຫວຽດນາມ - ລາວ​ທີ່ເຄີຍຄຽງບ່າຄຽງໄຫຼ່, ​ແບ່ງທຸກແບ່ງສຸກ, ​ ໃນ​ພາລະກິດ​ຕໍ່ສູ້​ປົດ​ປ່ອຍ​ຊາດ, ອອກແຮງງານ ​ແລະ ຮໍ່າຮຽນ; ສະ​ແດງ​ແນວຄິດຈິດໃຈ, ນໍ້າໃຈ ​ແລະ ຄວາມ​ມຸ່ງ​ມາດ​ປາ​ຖະໜາ​ໃນ​ການ​ສືບ​ຕໍ່​ເພີ່ມພູນຄູນສ້າງ​ອະນາຄົດ​ແຫ່ງ​ການ​ພົວພັນ​ຫວຽດນາມ - ລາວ.

ຊຸກຍູ້​ໃຫ້​ບັນດາ​ບຸກຄົນ, ໝູ່ຄະນະ ​ແນະນຳ, ສະໜອງ, ຮັກສາ ​ແລະ ​ເສີມຂະຫຍາຍ​ຄຸນຄ່າ​ຂອງບັນດາ​ສາລະຄະດີ, ວັດຖຸພັນໃນປະຫວັດສາດກ່ຽວ​ກັບ​ການພົວພັນມິດຕະພາບ​ທີ່​ເປັນ​ມູນ​ເຊື້ອ, ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ ຫວຽດນາມ - ລາວ ​ໃນ​ທຸກ​ວັນ​ນີ້ ​ແລະ ​ໃນ​ວັນໜ້າ.

2. ຂອບເຂດ, ເປົ້້າໝາຍນໍາໃຊ້

ກະຕິການີ້ກໍານົດຈຸດປະສົງ, ຄວາມໝາຍ, ຂອບເຂດ, ເປົ້າໝາຍນໍາໃຊ້, ຜູ້ເຂົ້າຮ່ວມການປະກວດ, ຈໍານວນ, ຄຸນລັກສະນະ ແລະ ມາດຖານຂອງບົດທີ່ເຂົ້າຮ່ວມການປະກວດ; ວິທີການຄັດເລືອກ, ໂຄງຮ່າງລາງວັນ, ລະດັບລາງວັນ, ເວລາການຈັດຕັ້ງ, ຄະນະຈັດຕັ້ງ, ສະພາກໍາມະການ ແລະ ບັນດາຂໍ້ກໍານົດທີ່ກ່ຽວຂ້ອງກັບການປະກວດ; ວິທີການສົ່ງຮູບພາບ, ຂອງທີ່ລະນຶກ

ຂອງທີ່ລະ​ນຶກ​ແມ່ນ​ວັດ​ຖຸພັນ​ຂອງ​ບຸກ​ຄົນ, ອົງ​ການ​ຈັດ​ຕັ້ງທີ່ກ່ຽວຂ້ອງກັບ​ການ​ພົວ​ພັນ​ຂອງ​ບຸກ​ຄົນ, ໝູ່ຄະນະ, ຫົວໜ່ວຍ​ ແລະ ທ້ອງ​ຖິ່ນ​ສອງປະເທດ ຫວຽດ​ນາມ ແລະ ລາວ. ໄລຍະເວລາການເກັບຮັກສາສໍາລັບວັດ​ຖຸ​ພັນດັ່ງກ່າວແມ່ນຢ່າງຫນ້ອຍ 5 ປີ (ນັບແຕ່ປີ 2017). ວັດ​ຖຸ​ພັນເຫຼົ່ານັ້ນ ຕ້ອງມີປະຫວັດ, ແຫຼ່ງກຳເນີດ, ເນື້ອໃນ ແລະ ເຫດຜົນທີ່ຍັງເກັບຮັກສາໄວ້. ວັດ​ຖຸພັນ ຕ້ອງບໍ່ຢູ່ໃນປະເພດທີ່ຂັດແຍ້ງໃນດ້ານເປັນກໍາມະສິດ, ກໍຄືບໍ່ໄດ້ຢູ່ໃນບັນຊີວັດສະດຸ, ວັດຖຸສິ່ງຂອງ, ສິນຄ້າ ແລະ ອື່ນໆ ໂດຍເປັນກໍາມະສິດ, ເກັບຮັກສາໄວ້ແບບຜິດກົດໝາຍ ຫວຽດນາມ ແລະ ລາວ.

ວັດຖຸພັນ ແມ່ນບັນດາວັດຖຸທີ່ເປັນຜະລິດຕະພັນ (ເສື້ອ, ໝວກ, ກະເປົາ, ໄຟສາຍ, ກັບໄຟ...); ແມ່ນ​ວັດຖຸພັນ​ທີ່​ຈົດກ່າຍລາຍປາກກາ, ບົດປະພັນ​ວັນ​ນະ​ຄະ​ດີ​, ​ສິ​ລະ​ປະ (ຈົດໝາຍ​, ບົດເພງ​, ບົດກະວີ, ຮູບແຕ້ມ, ​ ຮູບ​ພາບ​, ຂໍ້​ຄວາມ...)​.

ບົດທີ່ເຂົ້າຮ່ວມການປະກວດແມ່ນບົດຂຽນ, ​ບົດ​ຄວາມ​ກ່ຽວ​ກັບ​ຂອງທີ່ລະນຶກ, ​​ບົດເວົ້າ​ໃນ​ຄລິບ​ວີ​ດີ​ໂອ​ໂດຍ​ມີ​ເນື້ອ​ໃນ​ແນະນຳ​ຄື ຊື່​ຂອງ​ຂອງທີ່ລະນຶກ, ​ເລື່ອງລາວ, ຕົ້ນ​ກຳ​ເນີດ, ສະພາບ​ການກໍາ​ເກີດ, ວິວັດການເກັບ​ຮັກສາ​ຂອງທີ່ລະນຶກ; ຈຸດ​ປະ​ສົງ, ຄວາມ​ຫມາຍ​, ສິດເປັນກໍາມະສິດຂອງທີ່ລະນຶກ; ຄວາມປາຖະຫນາ, ແຜນການ (ຖ້າມີ) ຂອງຜູ້ເຂົ້າຮ່ວມການປະກວດ, ເຈົາຂອງ, ຜູ້ຮັກສາຂອງທີ່ລະນຶກ.

ບົດຂຽນຕ້ອງມີຮູບພາບ, ຂອງທີ່ລະນຶກ ແລະ ສາລະຄະດີທີ່ກ່ຽວຂ້ອງສົ່ງມາພ້ອມ.

ໃນ​ພິທີ​ມອບ​ລາງວັນ​ການປະກວດ, ຄະນະ​ຈັດ​ຕັ້ງ​ ຈະ​ຈັດ​ຕັ້ງ​ຫ້ອງວາງສະ​ແດງບັນດາຂອງທີ່ລະນຶກ​ພິ​ເສດ ​ແລະ ​ພົ້ນເດັ່ນ. ບັນດາຜູ້ເຂົ້າຮ່ວມການປະກວດ ແລະ ກຸ່ມຜູ້ເຂົ້າຮ່ວມການປະກວດສາມາດຕິດຕໍ່ກັບຄະນະຈັດຕັ້ງການປະກວດ ຫຼື ສະແດງເຈດຈຳນົງໃນການສົ່ງຂອງທີ່ລະນຶກ ເພື່ອວາງສະແດງຢູ່ໃນພິທີມອບລາງວັນ ຢູ່ໃນບົດທີ່ສົ່ງເຂົ້າຮ່ວມການປະກວດ.

II. ຂໍ້ກໍານົດລະອຽດ

1. ຜູ້ເຂົ້າຮ່ວມການປະກວດ/ ກຸ່ມຜູ້ເຂົ້າຮ່ວມການປະກວດ

- ແມ່ນບັນດາບຸກ​ຄົນ, ໝູ່ຄະນະນັກ​ຊ່ຽວ​ຊານ, ​ ພະນັກງານ - ພົນທະຫານຂອງ​ບັນ​ດາ​ກໍາລັງປະກອບ​ອາ​ວຸດ, ສໍານັກງານ, ອົງ​ການ​ຈັດ​ຕັ້ງ, ຫົວໜ່ວຍ​, ວິ​ສາ​ຫະ​ກິດ, ນັກ​ສິ​ລະ​ປິນ, ນັກ​ສຶກ​ສາຕ່າງປະເທດ, ນັກ​ສຶກ​ສາ, ນັກ​ທ່ອງ​ທ່ຽວ… ເຊິ່ງເປັນຄົນຫວຽດ​ທີ່ເຄີຍ​ເຮັດ​ວຽກ, ຮ່ຳ​ຮຽນ ແລະ ທ່ອງທ່ຽວຢູ່ລາວ; ຫຼື ມີການພົວພັນ, ເຮັດວຽກກັບໝູ່ເພື່ອນທີ່ເປັນຄົນລາວ;

- ບັນດາອົງ​ການ​ຈັດ​ຕັ້ງ, ພົນລະເມືອງ, ພະນັກງານ, ນັກສຶກສາຕ່າງປະເທດ, ນັກສຶກສາ... ເຊິ່ງເປັນຄົນລາວທີ່ເຄີຍ​​ເຮັດ​ວຽກ, ຮ່ຳ​ຮຽນ ແລະ ທ່ອງທ່ຽວຢູ່ຫວຽດນາມ; ຫຼື ມີການພົວພັນ, ເຮັດວຽກກັບໝູ່ເພື່ອນທີ່ເປັນຄົນຫວຽດນາມ;

- ບັນດາຜູ້ທີ່​ເປັນ​ກຳມະສິດ ຫຼື ​ເກັບຮັກສາ​ຂອງທີ່ລະນຶກ, ​ສາລະຄະດີ, ເອກະສານໂດຍກົງ ທີ່ກ່ຽວຂ້ອງ​ກັບ​ການ​ພົວພັນ​ຫວຽດນາມ - ລາວ ​ເຊິ່ງມີຄວາມ​ເຂົ້າໃຈ​ກ່ຽວ​ກັບ​ເລື່ອງລາວ, ຕົ້ນກໍາເນີດຂອງຂອງທີ່ລະນຶກນັ້ນ;

- ບັນດານັກ​ຂ່າວອາຊີບ, ຜູ້​ສື່ຂ່າວ, ຜູ້​ຮ່ວມ​ງານ, ຜູ້​ອ່ານ​ທັງ​ຢູ່​ພາຍ​ໃນ ​ແລະ ຕ່າງປະ​ເທດທີ່​ມີ​ຂໍ້​ມູນ, ​ສາລະຄະດີ ​ແລະ ​ເຈົ້າຂອງຜູ້ທີ່ເປັນກຳມະສິດ ແລະ ເກັບຮັກສາຂອງລະນຶກ ໄດ້​​ອະນຸຍາດ​ໃຫ້​ຂຽນ​ບົດ, ຖ່າຍ​ວິ​ດີ​ໂອ, ​​ຖ່າຍຮູບ​ແນະນໍາກ່ຽວກັບຂອງທີ່ລະນຶກນັັ້ນ.

2. ບົດທີ່ເຂົ້າຮ່ວມການປະກວດ

 ບົດທີ່ເຂົ້າຮ່ວມການປະກວດແມ່ນບົດຂຽນ, ບົດເວົ້າ​ຢູ່​ຄລິບ​ວີ​ດີ​ໂອ...​ ໂດຍ​ມີ​ເນື້ອ​ໃນ ເໝາະສົມກັບຂໍ້ກໍານົດຢູ່ຂໍ້ 2 ໃນຂໍ້ I ຂອງກະຕິກາສະບັບນີ້. ຂໍ້ມູນໃນບົດທີ່ເຂົ້າຮ່ວມການປະກວດນີ້ ຕ້ອງຮັບປະກັນວ່າແມ່ນວຽກແທ້, ຄົນຈິງ, ພັນລະນາສະພາບຂອງທີ່ລະນຶກທີ່ພວມເກັບຮັກສາໄວ້.

ບົດທີ່ເຂົ້າຮ່ວມການປະກວດສາມາດຂຽນ, ເລົ່າກ່ຽວກັບໜຶ່ງ ຫຼື ຫຼາຍຂອງທີ່ລະນຶກ ເຊິ່ງຂຽນເປັນພາສາຫວຽດ ຫຼື ພາສາລາວ. ຜູ້ເຂົ້າຮ່ວມການປະກວດ/ ກຸ່ມຜູ້ເຂົ້າຮ່ວມການປະກວດ ສາມາດສົ່ງມາເຂົ້າຮ່ວມການປະກວດແຕ່ 1 – ​5 ບົດ. ແຕ່ລະບົດ ມີຄວາມຍາວບໍ່ເກີນ 2000 ຄໍາ (ພາສາຫວຽດ).

       ບົດທັງໝົດທີ່​ເຂົ້າ​ຮ່ວມ​ການປະກວດ ຕ້ອງ​ບໍ່​ລະ​ເມີດບັນດາຂໍ້ກໍານົດຂອງ​ກົດໝາຍ​ທີ່ພວມປະກາດໃຊ້ໃນ​ປະຈຸ​ບັນ​ກ່ຽວ​ກັບ​ລິ​ຂະ​ສິດ, ຊັບສິນທາງປັນຍາ, ສື່ມວນຊົນ, ສິດ​ກໍາມະສິດ, ລະບຽບ​ການ​ນຳ​ໃຊ້​ເຄືອ​ຂ່າຍ​ອິນເຕີເນັດ... ຂອງ​ຫວຽດນາມ ​ແລະ ລາວ. ບໍ່​ລະເມີດ​ຮີດຄອງ​ປະ​ເພນີ ແລະ ແບບແຜນດານດໍາລົງຊີວິດທີ່ດີງາມ, ສິນທໍາ​ທາງສັງຄົມ​ ຂອງ​​ຫວຽດນາມ - ລາວ. ບໍ່​ຂັດ​ກັບແຜນ​ນະ​ໂຍບາຍ​ກ່ຽວກັບການ​ພົວພັນ​ມິດຕະພາບ​ຂອງ​ສອງ​ປະ​ເທດ.

ຜະລິດຕະພັນທີ່ສົ່ງມາວາງສະແດງຢູ່ໃນພິທີມອບລາງວັນ ບໍ່ຈໍາກັດດ້ານຈໍານວນ, ຮັບປະກັນຄຸນນະພາບ ແລະ ຄວາມສາມາດໃນການເກັບຮັກສາ.

ບັນດາບົດ, ວັດຖຸພັນທີ່ເຂົ້າຮ່ວມການປະກວດ, ວາງສະແດງຕ້ອງຂຽນຂໍ້ມູນຕົນເອງລະອຽດ (ຊື່ ແລະ ນາມສະກຸນ, ອາຍຸ, ທີ່ຢູ່ປະຈຸບັນ, ສໍານັກງານ, ຫົວໜ່ວຍເຮັດວຽກປັດຈຸບັນ, ວີທີການຕິດຕໍ່) ຂອງຜູ້ເຂົ້າຮ່ວມການປະກວດ, ສິດຂອງຜູ້ເຂົ້າຮ່ວມການປະກວດຕໍ່ກັບຂອງທີ່ລະນຶກ ແລະ ບັນດາຂໍ້ມູນອື່ນໆທີ່ກ່ຽວຂ້ອງ (ຖ້າມີ).

3. ວິທີການຕິລາຄາ ແລະ ການຄັດເລືອກ

ຄະນະ​ຈັດ​ຕັ້ງ​ຈະ​ຄັດ​ເລືອກ, ​ບັນນາທິການ ​ແລະ ນຳ​ໃຊ້​ບັນດາ​ບົດ​ທີ່​ເຂົ້າ​ຮ່ວມ​ການປະກວດ, ​ໂດຍ​ອີງ​ຕາມ​ຂໍ້ກໍານົດ​ຂອງກົດໝາຍວ່າດ້ວຍສື່ມວນຊົນ ຫວຽດນາມ ​ທີ່ພວມປະກາດໃຊ້ໃນ​ປະຈຸ​ບັນ ​ແລະ ຂໍ້ກໍານົດຂອງ​ວາລະສານຍຸກສະໄໝ. ບົດທີ່ເຂົ້າຮ່ວມການປະກວດທີ່ຖືກຕາມມາດຕະຖານ ຈະໄດ້ຮັບການລົງພິມໃນພາຫະນະສື່ມວນຊົນຂອງວາລະສານຍຸກສະໄໝ. ຄະນະຈັດ​ຕັ້ງ​​ຈະສົ່ງບັນດາບົດທີ່ເຂົ້າຮ່ວມການປະກວດມາ​ໃຫ້​ຄະ​ນະກໍາມະການເພື່ອ​​ຕີລາຄາ (ໃຫ້​ຄະ​ແນນ​) ຄັດ​ເລືອກ​, ຈັດ​ອັນ​ດັບ​ໂດຍໃຫ້ຄະແນນ​ຜ່ານ​​ແຕ່ລະຮອບ ​ແລະ ​ມອບ​ລາງ​ວັນ​.

4. ລາງວັນ, ລະດັບລາງວັນ

ລາງວັນປະກອບມີ ລາງວັນພິເສດ 01 ລາງວັນ, ລາງວັນທີໜຶ່ງ 05 ລາງວັນ, ລາງວັນທີສອງ 15 ລາງວັນ, ລາງວັນທີສາມ 20 ລາງວັນ ແລະ ລາງວັນຊົມເຊີຍ 30 ລາງວັນ.

ໂດຍອີງຕາມຈຳນວນ ແລະ ຄຸນລັກສະນະຂອງບົດທີ່ສົ່ງເຂົ້າຮ່ວມການປະກວດ, ຄະນະຈັດຕັ້ງ ຈະມອບລາງວັນພິເສດສະເພາະໃຫ້ບຸກຄົນ, ຫົວໜ່ວຍທີ່ຮັກສາຂອງທີ່ລະນຶກໄດ້ດີທີ່ສຸດ, ພິເສດທີ່ສຸດ; ຜູ້ເຂົ້າຮ່ວມການປະກວດທີ່ມີອາຍຸສູງທີ່ສຸດ, ຜູ້ເຂົ້າຮ່ວມການປະກວດທີ່ມີອາຍຸນ້ອຍທີ່ສຸດ; ບົດທີ່ມີຜູ້ອ່ານທາງອິນເຕີເນັດເຂົ້າອ່ານ, ກົດໄລ, ກົດແຊ ຫຼາຍທີ່ສຸດ...

ບັນດາຜູ້ເຂົ້າຮ່ວມການປະກວດ ແລະ ບົດເຂົ້າຮ່ວມການປະກວດທີ່ໄດ້ຮັບລາງວັນ ຈະໄດ້ຮັບເງິນລາງວັນ ພ້ອມກັບໃບຍ້ອງຍໍ ແລະ ໃບຢັ້ງຢືນ ຈາກຄະນະຈັດຕັ້ງ.

5. ຄະນະຈັດຕັ້ງການປະກວດ

ຄະນະ​ຈັດ​ຕັ້ງການປະກວດ​ໄດ້​ຮັບ​ການ​ສ້າງ​ຕັ້ງ ​​ໂດຍວາລະສານຍຸກສະໄໝ ຕົກລົງສ້າງຕັ້ງ,  ປະກອບມີ ​ຫົວ​ໜ້າຄະນະ, ຮອງ​ຫົວໜ້າຄະນະ ​ແລະ ສະມາຊິກ.

ຄະນະຈັດຕັ້ງມີໜ້າທີ່ສ້າງຕັ້ງສະພາກໍາມະການ, ກອງເລຂາ, ບັນດາພາກສ່ວນຊ່ວຍວຽກ ແລະ ຜັນຂະຫຍາຍບັນດາກິດຈະກໍາທີ່ກ່ຽວຂ້ອງກັບການປະກວດ.

ຄະນະຈັດຕັ້ງໄດ້ນໍາໃຊ້ກາຈໍ້າ, ເລກບັນຊີ, ໂທລະສັບ, ອີເມວ ຂອງວາລະສານຍຸກສະໄໝໃນໄລຍະເວລາດໍາເນີນງານ.

ຄະນະຈັດຕັ້ງມີສິດນໍາໃຊ້ບັນດາບົດຂຽນ, ສາລະຄະດີ, ຮູບພາບທີ່ເຂົ້າຮ່ວມການປະກວດເພື່ອລົງພິມຢູ່ໃນບັນດາສື່ສິ່ງພິມ, ທາງອິນເຕີເນັດ, ພິມເປັນເອກະສານ, ປື້ມ, ໜັງສືພິມ ເພື່ອຮັບໃຊ້ໃນວຽກງານສື່ສານ, ໂຄສະນາເຜີຍແຜ່ຕາມຂໍ້ກໍານົດທີ່ພວມປະກາດໃຊ້ໃນປະຈຸບັນ.

ຄະນະຈັດຕັ້ງກຳນົດ ແລະ ແຈ້ງເວລາຈັດຕັ້ງການມອບລາງວັນເຖິງບັນດາໝູ່ຄະນະ, ບຸກຄົນທີ່ໄດ້ຮັບລາງວັນ ຊ້າສຸດ 7 ວັນກ່ອນວັນຮັບລາງວັນ.

6. ອົງການຜູ້ປະຈໍາການການປະກວດ

ອົງການຜູ້ປະຈໍາການການປະກວດ ແມ່ນວາລະສານຍຸກສະໄໝ, ສໍານັກງານຕັ້ງຢູ່ເລກທີ 61 ຖະໜົນ ບ່າຈ້ຽວ, ເມືອງ ຮວ່ານກ໊ຽມ, ຮ່າໂນ້ຍ.

ອົງການຜູ້ປະຈໍາການການປະກວດມີໜ້າທີ່: ເປັນປະທານ, ສົມທົບກັບບັນດາສໍານັກງານ, ຫົວໜ່ວຍທີ່ກ່ຽວຂ້ອງເພື່ອຜັນຂະຫຍາຍ, ເຜີຍແຜ່, ແນະນໍາປະຕິບັດຕາມກະຕິກາຂອງການປະກວດ.

ເປັນຜູ້ປະສານ ແລະ ຮັບບົດທີ່ສົ່ງມາເຂົ້າຮ່ວມການປະກວດ, ຂອງທີ່ລະນຶກທີ່ຝາກມາ ເພື່ອວາງສະແດງ.

ເປັນປະທານ, ປະສານ​ສົມທົບ​ໃຫ້​ຄຳ​ປຶກສາ​ດ້ານ​ເນື້ອ​ໃນ, ​ຮູບການ ​ແລະ ຮັບປະກັນ​ພື້ນຖານວັດຖຸໃຫ້​ແກ່​ວິວັດການ​ເຮັດ​ວຽກ​ຂອງ​ຄະນະ​ຈັດ​ຕັ້ງ ​ແລະ  ສະພາ​ກຳມະການ.

ເປັນປະທານ, ສົມທົບ​ກັບ​ບັນດາ​ຫົວໜ່ວຍ​ທີ່​ກ່ຽວຂ້ອງ​ ເພື່ອລະດົມ​ແຫຼ່ງອຸປະຖໍາ, ປະກອບສ່ວນ ​ແລະ ໜູນ​ຊ່ວຍ​ການຈັດ​ຕັ້ງ​ການປະກວດ; ຂຸດ​ຄົ້ນ​ບັນດາການ​ບໍລິການ​ຂໍ້​ມູນ​ຂ່າວສານ, ​ໂຄສະນາ​ເຜີຍ​ແຜ່, ​ແນະນຳ... ຕິດ​ພັນ​ກັບ​ບັນດາກິດຈະກໍາຂອງການປະກວດ​ຕາມ​ຂໍ້ກໍານົດທີ່ພວມປະກາດໃຊ້ໃນ​ປະຈຸ​ບັນ.

ສົມທັບກັບບັນດາສໍານັກງານ, ຫົວໜ່ວຍ, ວິສາຫະກິດທີ່ກ່ຽວຂ້ອງ ເພື່ອຈັດພິທີ ປະກາດຜົນ ແລະ ມອບລາງວັນການປະກວດ; ເຊື່ອມຕໍ່, ຕິດຕໍ່ ແລະ ຈັດຕັ້ງການມອບຂອງທີ່ລະນຶກ ຕາມ​ການສະເໜີ​ ແລະ ​ຄວາມ​ປາດ​ຖະ​ຫນາ​ຂອງ​ຜູ້​ມອບ ​ແລະ​ ຜູ້ຮັບ​.

7. ສະພາກໍາມະການ

ສະພາກໍາມະການໄດ້ສ້າງຕັ້ງ ໂດຍຫົວໜ້າຄະນະຈັດຕັ້ງການປະກວດເປັນຜູ້ຕົກລົງ.

ສະມາຊິກຂອງ​ສະພາ​ກຳມະການ​​ປະກອບມີ​ ປະທານ​ສະພາ ​ແລະ ບັນດາ​ສະມາຊິກ ເຊິ່ງເປັນຜູ້ຕາງໜ້າ​ຄະນະ​ຊີ້​ນຳ​ວຽກ​ງານ​ຖະ​ແຫຼ​ງຂ່າວ​ການຕ່າງປະເທດສູນກາງ, ກົມ​ຖະ​ແຫຼ​ງຂ່າວ​ການຕ່າງປະເທດ (ກະຊວງ​ຖະ​ແຫຼ​ງຂ່າວ ​ແລະ ສື່ສານ), ກົມ​ການຂ່າວ (ກະຊວງ​ຖະ​ແຫຼ​ງຂ່າວ ​ແລະ ສື່ສານ), ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ສະຖານເອກອັກຄະລັດຖະທູດ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ, ສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ລາວ -ຫວຽດນາມ.

ພາກສ່ວນຊ່ວຍວຽກຄະນະກໍາມະການ ໂດຍອົງການຜູ້ປະຈໍາການການປະກວດຈັດ ແລະ ແບ່ງງານ.

ສະພາກໍາມະການ​ສ້າງ ​ແລະ ປະກາດ​ຂໍ້ກໍານົດກ່ຽວກັບກໍາມະການ ໃຫ້ເໝາະສົມກັບ​ຂໍ້​ກຳນົດ​ຂອງ​ກົດໝາຍ ​ແລະ ຄວາມຮຽກຮ້ອງຕ້ອງການຂອງການປະກວດ. ຈັດແບ່ງໜ້າທີ່ການໃຫ້ຄະແນນສໍາລັບບັນດາບົດທີ່​ເຂົ້າ​ຮ່ວມ​ການປະກວດ ​ແລະ ​ວາງ​ສະ​ແດງ​; ສັງລວມ ແລະ ລາຍງານໝາກຜົນໃຫ້ຄະນະຈັດຕັ້ງ.

8.  ທີ່ຢູ່, ວິທີການ, ກຳນົດເວລາສົ່ງບົດເຂົ້າຮ່ວມການປະກວດ, ຂອງທີ່ລະນຶກທີ່ວາງສະແດງ

- ທີ່ຢູ່ຄະນະຈັດຕັ້ງການປະກວດ “ໃຫ້ຂອງທີ່ລະນຶກເລົ່າເລື່ອງ”, ວາລະສານຍຸກສະໄໝ, ເລກທີ 61, ຖະໜົນ ບ່າຈ້ຽວ, ຕາແສງ ຮ່າງບ່າຍ​ (ຮວ່ານກ໊ຽມ, ຮ່າໂນ້ຍ), ເບີໂທລະສັບ: 84-24-39445396;  Fax: 84-24-39445397; Email: toasoan@thoidai.com.vn; Hotline: +84.097.681.2201; +84.096.634.7288. 

- ສົ່ງບົດເຂົ້າຮ່ວມການປະກວດ:

ສົ່ງໂດຍກົງຜ່ານເວັບໄຊ: thoidai.com.vn ຫຼື huunghivietlao.thoidai.com.vn ຫຼື 60namvietlao.thoidai.com.vn. ຢູ່ໃນໜ້າທໍາອິດຂອງເວັບໄຊ ຈະມີໄອຄອນ ຂອງການປະກວດ “ໃຫ້ຂອງທີ່ລະນຶກເລົ່າເລື່ອງ” ເພື່ອໃຫ້ຜູ້ຂຽນສາມາດເຂົ້າເບິ່ງ ແລະ ໄດ້ຮັບການແນະນຳກ່ຽວກັບວິທີການສົ່ງບົດເຂົ້າປະກວດ.

ບົດທີ່ເຂົ້າຮ່ວມການປະກວດ ແມ່ນເອກະສານທີ່ພິມເປັນ Microsoft Word, ຄລິບວີດີໂອ,  ຟາຍອັດສຽງ, ສົ່ງຜ່ານທາງອີເມວ:     toasoan@thoidai.com.vn

ຖ້າເປັນບົດຂຽນໃສ່ເຈ້ຍ ໃຫ້ສົ່ງໄປສຳນັກງານວາລະສານຍຸກສະໄໝ. ໂດຍຂຽນໃສ່ໜ້າຊອງລະອຽດວ່າ: ບົດເຂົ້າຮ່ວມການປະກວດ “ໃຫ້ຂອງທີ່ລະນຶກເລົ່າເລື່ອງ”.

ຂອງທີ່ລະນຶກທີ່ວາງສະແດງ ແມ່ນສົ່ງມາຕາມທີ່ຢູ່ຂອງຄະນະຈັດຕັ້ງການປະກວດ (ທີ່ຂຽນໄວ້ຢູ່ຂ້າງເທິງ).

ບັນດາຜູ້ເຂົ້າຮ່ວມການປະກວດທີ່ເປັນບຸກຄົນ ແລະ ອົງການຈັດຕັ້ງສາມາດຮີບໂຮມບົດ, ຂອງທີ່ລະນຶກໃຫ້ເປັນກຸ່ມ (ຫົວໜ່ວຍ, ວິສາຫະກິດ), ອົງການຈັດຕັ້ງຕ່າງໆ (ສາຂາສະມາຄົມມິດຕະພາບ, ຄະນະຕິດຕໍ່ປະສານງານ, ສະໂມສອນ...) ສົ່ງໃຫ້ຄະນະຈັດຕັ້ງຕາມຮູບການ ແລະ ທີ່ຢູ່ທີ່ຂຽນໄວ້ຂ້າງເທິງ.

ກຳນົດເວລາຮັບບົດເຂົ້າຮ່ວມການປະກວດ:

ເປີດຮັບບັນດາບົດ ແລະ ຂອງທີ່ລະນຶກທີ່ສົ່ງເຂົ້າຮ່ວມການປະກວດ ແລະ ວາງສະແດງ: ເລີ່ມແຕ່ວັນທີ 9 ພຶດສະພາ 2022 ຫາ ວັນທີ 31 ສິງຫາ 2022 (ນັບຕາມກາຈໍ້າຂອງໄປສະນີ ຫຼື ມື້ທີ່ໄດ້ຮັບບົດເຂົ້າຮ່ວມການປະກວດຜ່ານອີເມວ, ເວັບໄຊ ຂອງຄະນະຈັດຕັ້ງ).

 

ຄະນະຈັດຕັ້ງການປະກວດ

 

 

ສໍາລັບຂໍ້ມູນເພີ່ມເຕີມກະລຸນາຕິດຕໍ່:

ພາສາລາວ: ທ່ານ ຫວູວັນສຶ ເບີໂທ +84.096.962.1927

 

 

 

 

  • - ວັດຖຸສິ່ງຂອງ ຫຼື ເຄື່ອງທີ່ລະນຶກທີ່ຖືກຕ້ອງກັບກົດລະບຽບ ຂອງການແຂ່ງຂັນ( ຫລື ຢູ່ໃນ ຂໍ້ 3 ພາກ I) ແມ່ນສາມາດຂຽນ, ເລົ່າອອກມາ ເພື່ອເຂົ້າຮ່ວມການແຂ່ງຂັນ.
    - ຜູ້ເຂົ້າຮ່ວມແຕ່ລະຄົນສາມາດສົ່ງບົດຂຽນ ໄດ້ ສູງສຸດ 5 ຢ່າງ. ໃນນັ້ນແຕ່ລະບົດຄວາມສາມາດເລົ່າເຖິງສິ່ງຂອງທີ່ລະນຶກ ຫຼື ຫລາຍສິ່ງຂອງທີ່ລະລຶກທີ່ຄ້າຍຄືກັນເປັນຕົ້ນແມ່ນ ຮູບຖ່າຍ ຫລື ອາລາບ້ຳຮູບຖ່າຍ...

  • - ບົດຄວາມທີ່ສາມາດເຂົ້າຮ່ວມໄດ້ແມ່ນມີຄວາມຍາວບໍ່ເກີນ 2.000 ຄຳ. ໃນນັ້ນ, ໃນຍົກໃຫ້ເຫັນຂໍ້ມູນພື້ນຖານຂອງວັດຖຸສິ່ງຂອງດັ່ງກ່າວຢ່າງຄົບຖ້ວນ, ຜູ້ເກັບຮັກສາວັດຖຸສິ່ງຂອງດັ່ງກ່າວ( ຊື່ ແລະ ນາມສະກຸນ, ອາຍຸ, ທີ່ຢູ່ປະຈຸບັນ, ບ່ອນປະຈຳການ, ສາມາດຕິດຕໍ່ພົວພັນໄດ້ທາງ), ສິດຂອງຜູ່ຂຽນຕໍ່ກັບວັດຖຸສິ່ງຂອງດັ່ງກ່າວ ແລະ ຂໍ້ມູນອື່ນໆທີ່ກ່ຽວຂ້ອງ(ຖ້າມີ).
    - ບົດຄວາມໜຶ່ງສາມາດສົ່ງພາບໄດ້ສູງສຸດບໍ່ເກີນ 5 ພາບ ຖ້າເປັນບົດຄວາມທີ່ມີຮູບພາບປະກອບ.
    - ຕໍ່ກັບການເລົ່າເລື່ອງໂດຍການບັນຍາຈາກຮູບພາບ ແມ່ນບໍ່ຈຳກັບຈຳນວນພາບ.
    - ໂຄງຮ່າງຂອງການບົດຄວາມແມ່ນສາມາດຈັດໄດ້ຕາມໃຈຂອງຜູ່ຂຽນພຽງແຕ່ຕ້ອງມີຂໍ້ມູນດັ່ງນີ້
    + ຊື່ຂອງວັດຖຸສິ່ງຂອງດັ່ງກ່າວ
    + ອະທີບາຍສະພາບຂອງວັດຖຸສິ່ງຂອງທີ່ລະລຶກ
    + ເນື້ອໃນເລື່ອງລາວຂອງວັດຖຸສິ່ງຂອງທີ່ລະລຶກກ່ຽວຂ້ອງແນວໃດເຖິງ ຊາດ, ຄົນ, ຄວາມຊົງຈຳຕໍ່ກັບຫວຽດນາມ ລາວ.
    + ຂັ້ນຕອນຂອງການເກັບຮັກສາ, ຄວາມຫວັງຂອງຜູ່ເປັນເຈົ້າຂອງ(ຖ້າມີ). ຕົວຢ່າງ: ມີຄວາມຫວັງວ່າວັດຖຸສິ່ງຂອງດັ່ງກ່າວສາມາດພົບກັບໝູ່ເກົ່າ; ໄດ້ກັບມາສະຖານທີ່ແຕ່ເກົ່າກ່ອນຫລັງ; ໄດ້ໄປຢ້ຽມຢາມສະຖາານທີ່ໃນຮູບພາບ; ໄດ້ກິນອາຫານໃນຄວາມຊົງຈຳ; ນຳຫາສິ່ງໃດສິ່ງໜື່ງທີ່ຂາດຫາໄປ...

  • - ເຮົາສາມາດຖ່າຍພາບໄດ້ໂດຍໃຊ້ ກ້ອງຖ່າຍຮູບແບບມີອາຊີບ ຫລື ກ້ອງໂທລະສັບກໍ່ໄດ້.

  • - ຮູບພາບສີ ຫລື ຂາວດຳ, ເປັນຟາຍເອເລັກຕນິກ, ປະເພດ JPG, ມີຂະໜາດຢ່າງໜ້ອຍ 300KB( ຟາຍສະແກນກໍ່ໄດ້ ຫລື ຖ່າຍພາບ ຈາກຮູບຖ່າຍ)
    - ຮູບງາມ, ຊັດເຈນ, ບໍ່ມົວ, ພາບບໍ່ແຕກ.
    - ແຕ່ລະພາບທີ່ສົ່ງເຂົ້າມາແມ່ນຕ້ອງຂຽນກຳກັບໃສ່ພາບ ຂໍ້ມູນກ່ຽວກັບພາບນັ້ນໆ

  • - ຄຸນນະພາບຂອງວີດີໂອ ແຕ່ HD ຂື້ນໄປ ຂາດໜາດ 1280 x720 (720p) ຫລື 1920 X1080(1080p , Full HD)
    - ຄວາມຍາວຂອງວີດີໂອ ຫລື ຄລີບ: ບໍ່ເກີນ 20 ນາທີ
    - ທ່ານຕ້ອງພາກສຽງ ແລະ ແລ່ນຊັບຕົວໜັງສື ເປັນພາສາລາວ ຫລື ຫວຽດ ໃນວີດີໂອ/ຄລີບ ນີ້. ເນື້ອໃນການພາກສຽງ, ຊັບຕ້ອງເປັນໄປຕາມກົດລະບຽບທີ່ລະບຸໄວ້ໃນ ຂໍ້ 2 ພາກ II ຂອງບົດແນະນຳນີ້.

  • ຜູ່ຂຽນຫລືເລົ່າເລື່ອງສາມາດສົ່ງມາຮ່ວມແຂ່ງຂັນໄດ້ 3 ຊ່ອງທາງ:
    - ຊ່ອງທາງທີ 1: ສົ່ງແຜ່ນຊີດີ CD/DVD, USB, ບົດຂຽນດ້ວຍເຈ້ຍ ຜ່ານທາງໄປຊະນີ ຫລື ສົ່ງໂດຍກົງໃຫ້ຄະນະກຳມະການຕາມທີ່ຢູ່: ເລກທີ 61 , ບາຈ້ຽວ, ຕາແສງຫ່າງບ່າຍ( ຮວ່ານກ໋ຽມ-ຮ່າໂນ້ຍ); ໂທລະສັບ: 84-24-39445396; ແຟັກ: 84-24-39445397. Hotline: 097 681 2201
    - ຊ່ອງທາງທີ 2: ສົ່ງຜ່ານອີເມວ :toasoan@thoidai.com.vn
    - ຊ່ອງທາງທີ 3: ສົ່ງຜ່ານເວບໄຊ ການແຂ່ງຂັນຜູ່ຂຽນສາມາດເປັນໄປທີ່ເວບ https://thoidai.com.vn, https://huunghivietlao.thoidai.com.vn, https://60namvietlao.thoidai.com.vn

  • ທ່ານຕ້ອງສົ່ງຜ່ານໄປສະນີ ຫລື ບໍລິການຂົນສົ່ງ ຕາມທີ່ຢູ່ຂອງຄະນະຈັດຕັ້ງການແຂ່ງຂັນ.

  • ທ່ານສາມາດເຂົ້າໄປທີ່ ເວບໄຊ ການແຂ່ງຂັນຄືຄຳແນະນຳຂ້າງເທິງ.

  • ທ່ານສາມາດຂຽນຂໍ້ມູນທີ່ຈຳເປັນ ແລະ ຂໍ້ມູນຂອງຕົນທີ່ມີຢູ່ ກ່ຽວກັບຜູ້ທີ່ທ່ານຕ້ອງການຊອກຫາ ຢູ່ທ້າຍບົດຄວາມ ຫລື ໂທລະສັບຫາຄະນະຈັດຕັ້ງການແຂ່ງຂັນ.

  • - ກົດເຂົ້າປຸ່ມ ແບ່ງປັນ, ກົດໃສ່ຮູບສະເຕຕັດຂອງບົດຄວາມເຂົ້າແຂ່ງຂັນ ຫລື ໃນພາກລະອຽດຂອງບົດຄວາມເຂົ້າແຂ່ງຂັນ

ສົ່ງບົດເຂົ້າຮ່ວມການປະກວດ

ຟາຍອັບຂື້ນ:

Loading
Your message has been sent. Thank you!

ຜູ້ອຸປະຖຳ

ຂໍ້ມູນລາງວັນ


  • ລາງວັນພິເສດ 01 ລາງວັນ


  • ລາງວັນທີໜຶ່ງ 05 ລາງວັນ


  • ລາງວັນທີສອງ 15 ລາງວັນ


  • ລາງວັນທີສາມ 20 ລາງວັນ


  • ລາງວັນຊົມເຊີຍ 30 ລາງວັນ

ບົດແຂ່ງຂັນ

ຂ່າວສານການແຂ່ງຂັນ

 ​ປຸກລະດົມການ​ປະ​ກວດ

​ປຸກລະດົມການ​ປະ​ກວດ "ໃຫ້ຂອງທີ່ລະລຶກເລົ່າ​ເລື່ອງ​"

ຍສໝ - ວັນທີ 9 ພຶດສະພາ 2022, ຢູ່ຮ່າໂນ້ຍ, ສະຖານທູດ ແຫ່ງ ສປປ ລາວ ປະຈຳ ຫວຽດນາມ, ວາລະສານຍຸກສະໄໝ ແລະ ສະມາຄົມມິດຕະພາບ ຫວຽດນາມ - ລາວ ໄດ້ສົມທົບກັນຈັດຕັ້ງພິທີປຸກລະດົມການປະກວດ...